Teks Berjalan

Om Swastyastu, Sameton Sutha Abimanyu, raajeng Galungan lan Kuningan (21 Mei lan 31 Mei 2014) Dumogi Iraga ngamolihang pamargi rahayu lan santih, Om santih, santih, santih.

Senin, 18 April 2011

Adan Panak Buron lan Ene madan??

Panak cicing madan kuluk/konyong

Adan Panak Beburon :
  1. Panak siap madan pitik.
  2. Panak bébék madan memeri / meri.
  3. Panak sampi madan godél.
  4. Panak cicing madan konyong / kuluk.
  5. Panak bangkung madan kucit.
  6. Panak jaran madan bebedag.
  7. Panak penyu madan tukik.
  8. Panak kekua madan boko.
  9. Panak udang madan kretes/testes.
  10. Panak yuyu madan kreket.
  11. Panak Kambing madan wiwi.
  12. Panak bikul madan nyingnying.
  13. Panak bojog madan apa.
  14. Panak méong madan tai.
  15. Panak katak madan becing-becing.
  16. Panak kakul madan pici-pici.
  17. Panak jelema madan raré.
  18. Panak kebo madan bedigal.

Apang Pada Nawang Ajak Makejang :
  1. Pucil nagka madan katiwawalan.
  2. Buah manggis ané nguda madan blibar.
  3. Buah sumangka ané nguda madan blungking.
  4. Buah kélor madan kléntang.
  5. Buah jaka madan bluluk.
  6. Uat gedebong madan kotot.
  7. Tali gedebong ané suba tuh madan kupas.
  8. Tali (basang) papah nyuh madan guntung.
  9. Taluh berek madan semuuk.
  10. Inan lindung madan kodés.
  11. Bok mawarna putih madan uban.
  12. Tongos siapé mataluh madan bengbengan.
  13. Tongos kedisé mataluh madan sebun.
  14. Tongos sampiné medem madan bada.
  15. Tongos kambingé medem madan bada.
  16. Tongos céléngé medem madan glogor / kandang.
  17. Tongos/tatakan celenge ngamah madan palungan.
  18. Anak ané tusing ngelah mémé bapa madan ubuh.
  19. Anak ané lekad tusing akuina tekén bapané madan panak bebinjat / astra.
  20. Anak luh ané tusing ngelah panak madan bekung.
  21. Anak muani ané tusing ngelah (tusing ngidaang ngaé) panak madan wandu.
  22. Parekan peranda madan baru.
  23. Troktokan buah (bunga pohon pinang) madan bangsah.
  24. Pedeman jaran madan pagedogan.
  25. Pangangon jaran madan pekatik.
  26. Kebo putih madan misa.
Sarwa Sakit Di Awaké :
  1. Sing bisa ngomong madan kolok.
  2. Tusing ningeh apa madan bongol (di kuping).
  3. Tusing ningalin apa madan buta (di mata).
  4. Majalan kijek madan pérot (di batis).
  5. Buta asibak madan pécéng (di mata).
  6. Nanah ané pesu uli kuping madan curek.
  7. Getih ané pesu uli cunguh madan temisinan/tumisinan (mimisan).
  8. Tusing ngelah gigi madan pawah (biasané anak tua).
  9. Sakit di sirah madan puruh.
  10. Sakit di bongkol paa/Beseh di pikang madan biulan.
  11. Beseh (jerawat) di jit madan busul.
  12. Kusta madan sakit gede.
  13. Tatu ane kanti menanah/berek madan berung.
  14. Tebek dui madan susuban.
  15. Lima bengkok madan sengkok.
  16. Sakit ngancuk-ngancuk di ulunati madan pemalinan.
  17. Bibih sumbing madan cungih.
  18. Gigi ketus madan pawah/longgong.
Olih : Pande Kadek Juliana, S.S.

4 komentar:

  1. Om Swastyastu,
    Matur suksma pisan indik pikaryan puniki, Bli Pande. Preasida anggen tityang melajah miwah ngajahin pyanak tityang.
    Om Shantih, Shantih, Shantih, Om

    BalasHapus
    Balasan
    1. Bli Putu Aris

      Suksma mawali, dumogi mapikenoh...

      Hapus
  2. Om Swastyastu,
    Ampura niki wenten soal saking sekolah pyanak tityang: napi wastan panak legune?
    Matur suksma.

    BalasHapus
    Balasan
    1. Om Swastyastu, yen alihang nak ten ja wenten panak kene panak keto bes akeh Bli/Mbok Anonim. Niki nak jeg sampun kadung lumrahanga samian panak burone ngelah adan ajak buku pelajahan basa Bali ring sekolah...

      Panak legu - Kilang-kilung / tembeluk / kilak-kiluk

      kenten nak nyambatang..

      Hapus

Wusan simpang, elingang komentarnyane ngih..! Ring colom FB ring sor taler dados. ^_^ sharing geguratane ring ajeng dados taler.

Related Posts Plugin for WordPress, Blogger...